Skip to content

Buddsoddi

Perchnogaeth gymunedol

Rydym yn awyddus i osgoi dibyniaeth ar arian cyhoeddus drwy fod mor annibynnol â phosib. Byddwn yn gydweithredol ym mhob dim a wnawn gan ddefnyddio cynnyrch a llafur lleol. Gobeithiwn y bydd modd creu swyddi yn y pen draw a hybu diwylliant ac economi Caernarfon yn gyffredinol. Rydym wedi llwyddo codi £144,000 o gyfranddaliadau hyd yn hyn.

Mae dal modd prynu cyfranddaliad (share) £250 i fod â rhan yn y fenter fydd yn golygu bod gennych un bleidlais mewn cyfarfod cyffredinol; gallwch brynu mwy nag un cyfranddaliad ond un pleidlais fydd i bob aelod.

Yr ydym wedi sôn o'r cychwyn ein bod yn awyddus i sicrhau bod pawb yn gallu bod yn rhan o'r fenter ac felly mae posib buddsoddi trwy archeb banc unai £10 y mis am 25 wythnos neu £25 am 10 wythnos. Mae posib i bobl defnyddio eu llafur i fuddsoddi ar sail graddfa'r cyflog byw (go iawn)

Roeddem yn falch iawn o gefnogaeth yr Undeb Credyd lleol a gytunodd i bobl allu benthyg i fuddsoddi yn Llety Arall


Cambrian Loan Application Form

Mae modd i fudiadau neu i gwmniau brynu cyfranddaliad.

Bydd unrhyw elw a wneir yn cael ei ddefnyddio yn ôl dymuniad aelodau’r fenter (sef y cyfranddalwyr). Gobeithiwn bydd modd i’r cyfranddalwyr dderbyn llog ar eu cyfranddaliad mewn rhai blynyddoedd.

Gellir buddsoddi trwy gwblhau'r isod neu argraffu ac anfon y ffurflen yma.


Prospectus


Share Document

Llenwa'r ffurflen electronig i dalu ar lein, i dalu trwy BACS, efo siec neu efo archeb banc.

Y Sefyllfa Bresennol

#grymygymuned
buddsoddwyr cymunedol             £144,000
morgais W.C.V.A.    hyd at             £160,000
grant                                                 £128,000

I gwblhau'r prosiect yn llawn mae angen ini godi £60,000 pellach. Byddai symiau uwchben hyn yn lleihau y morgais.

Bydd cynnig siar ffurfiol pellach maes o law.

PAM FOD POBL WEDI BUDDSODDI?